بلوچ یکجہتی کمیٹی ( بی وائی سی) کی اسیر قیادت کو آج بروز ہفتہ کو کوئٹہ میں انسداد دہشتگردی کی عدالت میں پیش کیاگیاہے۔
ڈاکٹر ماہ رنگ بلوچ، بیبو بلوچ، گلزادی، ماما غفار، صبغت اللہ شاہ جی اور بیبرگ بلوچ کو عدالت میں پیش کیا گیا ۔جہاں عدالت نے ان کے پولیس ریمانڈ میں مزید 20روز کی توسیع کر دی ہے۔
عدالت میں پیشی کے دورا ن عوا م ، فیملی ممبران اور سیاسی حلقوں کی جانب سے بی وائی سی قیادت کی پر تپاک استقبال کی گئی ۔
ڈاکٹر ماہ رنگ بلوچ کو ایک ویڈیو میں پاکستان کی عدالتی نظام پرتمسخر اڑاتے ہوئے یہ کہتے ہوئے سنا جاسکتا ہے کہ وہ مزید ریمانڈ لینے آئے ہیں۔
ایک اور ویڈیو میں کمرہ عدالت میں جج کے سامنے ڈاکٹر ماہ رنگ بلوچ کو جج سے مخاطب ہیں کہ ہم سے کوئی سوال جواب کئے بغیر کس بنیاد پر ہمیں دوبارہ ریمانڈپر بھیجا جارہا ہے ۔؟
اس موقع پر تمام اسیران پر عزم دکھائی دیئے ۔
ڈاکٹر ماہ رنگ بلوچ اور ساتھی گذشتہ تین مہینوں سے تھری ایم پی او کے تحت پابند سلاسل ہیں۔ جھوٹے مقدمات میں پہلے10 دن، پھر15 دن اور اب مزید 20 دن کے ریمانڈ پر پولس کے حوالے کر دیا گیاہے۔
