پاکستان کے صوبہ پنجاب کے علاقے رحیم یارخان میں پولیس چوکی پر مسلح افراد کے حملے میں 5 اہلکار ہلاک جبکہ 2 زخمی ہوگئے۔
پولیس کے مطابق رحیم یارخان کی شیخانی پولیس چوکی پر مسلح افراد کی جانب سے حملہ کیا گیا جس میں 5 پولیس اہلکار ہلاک جبکہ 2 زخمی ہوئے۔
ترجمان پولیس نے دعویٰ کیا ہے کہ فائرنگ کے تبادلے میں ایک حملہ آور بھی مارا گیا۔
پولیس کے مطابق ہلاک اہلکاروں میں محمد عرفان ، محمد سلیم اور محمد خلیل، کانسٹیبل نخیل،غضنفر عباس شامل ہیں۔
ترجمان پولیس کا کہنا ہے کہ ہلاک ہونے والے 2 اہلکاروں کا تعلق رحیم یارخان جبکہ 3 کا تعلق بہاول نگر سے ہے ۔
اس حملے کی ذمہ داری تاحال کسی تنظیم نے قبول نہیں کی ہے تاہم ماضی میں اس طرح کے حملوں کی ذمہ داری ٹی ٹی پی قبول کرتی رہی ہے۔
