بلوچستان کے علاقے چمن میں بلوچستان افغان سرحد پر روزگار کی بندش کیخلاف احتجاج کے دوران ایک مزدور نے خود کو آگ لگا دی۔
ذرائع کا کہنا ہے کہ گھوڑا گاڑی چلانے والے مزدوروں نے افغان سرحد پر روزگار کی بندش کے خلاف احتجاج کیا۔
اس دوران 30 سالہ محمد یعقوب نے احتجاجاً خود کو آگ لگادی ۔جس پر ساتھیوں نے اسے بچا کر ہسپتال منتقل کردیا۔
ہسپتال ذرائع کے مطابق خودی سوزی کرنےوالے شخص کے جسم کا 30 فیصد حصہ جل چکا ہے۔
زخمی محمد یعقوب کو ابتدائی طبی امداد کے بعد مزید علاج کے لیے کوئٹہ روانہ کردیا گیا۔
محمد یعقوب بلوچستان افغان سرحد پر گھوڑا گاڑی کے ذریعے سامان کی ترسیل کرتا ہے۔
محمد یعقوب روزگار بند ہونے پر شدید مایوسی کا شکار ہے۔
