لوچستان کے علاقے سوراب میں ٹریفک حادثے میں ڈسٹرکٹ الیکشن کمشنر سمیت 2 افراد ہلاک جبکہ ایک زخمی ہوگیا۔
دوسری جانب خضدار میں سارونہ ندی میں ڈوبنے سے 3 افراد ہلاک ہوگئے ان کی لاشیں نکال لی گئیں۔
سوراب حاجیکہ کے علاقے میں ٹریفک حادثے میں 2 افراد ہلاک اور ایک شدید زخمی ہوگیا۔
حادثے میں ڈسٹرکٹ الیکشن کمشنر سوراب محمد اکبر قریشی، ڈیٹا انٹری آفیسر مقصود احمد سوراب کے قریب ٹریفک حادثے میں ہلاک جبکہ اسسٹنٹ صدام حسین زخمی ہوگئے۔
جبکہ خضدار کے علاقے سارونہ کوچہ میں افسوسناک واقعہ پیش آیا، جہاں ندی میں ڈوبنے سے 3 افراد زندگی کی بازی ہار گئے۔
مقامی ذرائع کے مطابق ہلاک افراد کی شناخت وزیر علی میراجی، غلام مصطفی میراجی اور محمد علی میراجی کے ناموں سے ہوئی ہے۔
واقعے کے فوراً بعد مقامی افراد نے امدادی کارروائی کرتے ہوئے لاشوں کو ندی سے نکال لیا۔
