بلوچستان کے ضلع کیچ کے بالگتر میں پاکستانی فورسز کے ہاتھوں جبری گمشدگی کے شکار افراد کے لواحقین نے اپنے پیاروں کی عدم بازیابی کے خلاف سی پیک شاہراہ پر دھرنا دیکر اسے ہر طرح کی آمدو رفت کے لئے بند کردیا ہے۔
بالگتر کے رہائشی صادق واجداد اور پیرداد عقیل کی عدم بازیابی کے خلاف ان کے اہل خانہ نے علاقہ مکینوں کے ہمراہ بالگتر سہاکی کے مقام پر سی پیک شاہراہ ایم ایٹ کو ایک دفعہ پھر دھرنا دے کر بلاک کردیا ہے۔
اس سے قبل رواں ہفتے بھی انہوں نے سی پیک شاہراہ کو اسی مقام پر دھرنا دے کر بلاک کیا تھا تاہم انتظامیہ کے ساتھ مزاکرات کرکے انہوں نے مشروط طور پر ٹریفک بحال کی تھی۔
لواحقین کا کہنا ہے کہ جب تک ان کے پیاروں کی بازیابی ممکن نہیں ہوپاتی یہ دھرنا جاری اور شاہراہ بند رہے گا۔
شاہراہ کی بندش سے دو نوں اطراف سے گاڑیوں کی لمبی قطاریں لگ گئیں اور ضلع بھر کاکوئٹہ ،پنجگورسے زمینی رابطہ منقطع ہوگیا ہے۔
