سندھ میں الفلاح تھانے کی حدود ملیر کالا بورڈ بس اسٹاپ کے قریب واقع پاکستان سندھ رینجرز کی چیک پوسٹ پر نامعلوم افراد نے دستی بم سے حملہ کیا۔
آمدہ اطلاعات کے مطابق ہفتہ اور اتوار کی درمیانی رات ساڑھے دس بجے نامعلوم افراد نے چیک پوسٹ کو نشانہ بنایا۔
واقعے کی اطلاع ملتے ہی پولیس اور رینجرز کی بھاری نفری موقع پر پہنچ گئی اور جائے وقوعہ کو سیل کر کے دھماکے کی نوعیت کا پتہ چلانے کے لیے بم ڈسپوزل اسکواڈ کو طلب کرلیا۔
پولیس کے مطابق چیک پوسٹ خالی ہونے کی وجہ سے کوئی جانی نقصان نہیں ہوا ۔
