بلوچ آزادی پسند قوم پرست رہنما،بی ایس او کے سابق چئیرمین، بلوچ نیشنل موؤمنٹ کے سابق مرکزی سیکریٹری جنرل رحیم بلوچ ایڈوکیٹ نے کہا کہ مقبوضہ بلوچستان میں پاکستان جنگی جرائم کا مرتکب ہو رہا ہے۔
آزادی پسند رہنما نے سماجی رابطے کی ویب سائیٹ ٹیوٹر پر اپنے ایک تازہ ٹیوٹ میں کہا ہے کہ
قیصر مری کے گھر پر چھاپہ مار، اس کی بیٹی، بہو، 6 سالہ پوتی ناز بی بی کو قتل اور متاثرہ خاندان کے ممبر محمد علی اور گل داد کو اغوا کرنا ایک جنگی جرم ہے۔ چاہے اقوام متحدہ کرے گا یا نہیں لیکن بلوچ قوم پاکستان کو اس طرح کے جنگی جرائم کا ذمہ دار ٹھہرائے گی۔
واضح رہے کہ گزشتہ روز پاکستانی فوج نے ہرنائی میں ایک گھر پر حملہ کر کے چار افراد کو شہید کرنے کے ساتھ دو افراد کو اغوا کر کے اپنے ساتھ لے گئے تھے۔
پاکستانی فوج کی اس جنگی جارحیت کی سوشل میڈیا میں شدید مزمت کی گئی ہے۔
