بلوچ یکجہتی کمیٹی کے اسیر رہنما اور ڈاکٹر ماہ رنگ بلوچ سے ساتھ قید بیبو بلوچ نے ہدہ جیل کوئٹہ میں ملاقاتیوں سے کہا ہے کہ بی وائی سی کے سربراہ ڈاکٹر ماہ رنگ بلوچ کی طبیعت ناساز ہے۔
بیبو بلوچ کے والد کامریڈ غفار بلوچ کے مطابق آج میں نے اور بیبو بلوچ کی والدہ مریم بلوچ نے بیبو بلوچ سے ہدہ جیل میں ملاقات کی۔
بیبو نے کہا مجھے اپنے صحت و زندگی کی کوئی خاص پرواہ نہیں مجھے اپنے لیڈر ڈاکٹر ماہ رنگ بلوچ کی سلامتی کیلئے تشویش ہے۔ ڈاکٹر ماہرنگ بلوچ کی طبیعت ناساز ہے انہیں مختلف طریقوں سے ہراساں کیا جارہا ہے فرض شناس اور قانون پسند جیل اہلکاروں کا تبادلہ کیا جارہا ہے اور مشکوک اہلکاروں کی ڈیوٹی لگادی گئی ہے ہر کمرے کے باہر اور آس پاس کیمرے لگائے جائے جارہے ہیں ۔ خفیہ کیمروں سے نقل و حمل پر مانیٹرنگ اور مشکوک افراد لگانے پر کام کر رہے ہیںاور خوراک وغیرہ تبدیل کرنے کی کوشش کررہے ہیں ۔
بیبو بلوچ نے کہا کہ مشکوک حرکات و سکنات سے ڈاکٹر ماہرنگ بلوچ کی زندگی کو شدید خطرات لاحق ہیں۔
بیبو بلوچ نے تمام انسان دوست قوم دوست وطن دوست عوام انسانی حقوق کے تنظیموں سے اپیل کی ہے کہ ڈاکٹر ماہ رنگ بلوچ کی زندگی کو محفوظ بنانے اور کارکنوں کے رہائی کیلئے کردار ادا کریں۔
