بلوچ یکجہتی کمیٹی کے سربراہ ڈاکٹر ماہ رنگ بلوچ نے تربت میں قائداعظم یونیورسٹی کے ایم فل اسکالر اللہ داد بلوچ کے قتل پر ردعمل دیتے ہوئے کہا کہ کراچی یونیورسٹی کے گریجویٹ اور قائداعظم یونیورسٹی میں ایم فل اسکالر اللہ داد بلوچ بلوچ معاشرے کے روشن ذہن تھے۔ وہ بلوچ معاشرے کے ایک پڑھے لکھے حلقے کا حصہ تھے ۔وہ افراد جو پڑھنے، لکھنے اور علم کے حصول کے لیے پرعزم تھے۔
انہوں نے کہا کہ تاریخی اسکالرشپ میں ان کی مہارت اور سیاست اور تاریخ کے اہم کاموں کا بلوچی میں ترجمہ کرنے کے لیے ان کی لگن نے بلوچ کمیونٹی کے اندر شعور بیدار کرنے اور روشن خیالی کو فروغ دینے میں اہم کردار ادا کیا۔
ان کا کہنا تھا کہ خاموش گمنامی میں کام کرتے ہوئے، وہ ان چند لوگوں میں شامل تھے جنہوں نے انتھک پڑھنے، لکھنے اور تنقیدی سوچ کے کلچر کو پروان چڑھایا۔ تاہم، پاکستان بلوچ معاشرے کے تعلیم یافتہ افراد کو مسلسل نشانہ بنا رہا ہے۔ اس کا مقصد بلوچ سماج کے شعور کو دبانا ہے۔ اللہ داد کا وحشیانہ قتل اس دیرینہ جبر میں ایک اور المناک اضافہ ہے۔
ڈاکٹر ماہ رنگ بلوچ نے کہا کہ ایسے مظالم کے سامنے خاموشی اختیار نہیں ہے۔ عالمی برادری کو چاہیے کہ وہ اپنی آواز بلند کرے اور پاکستان کے سیکیورٹی اداروں سے بلوچ علماء اور معلمین کو منظم طریقے سے نشانہ بنانے کے لیے جوابدہی کا مطالبہ کرے۔
