بلوچ یکجہتی کمیٹی ( بی وائی سی) کے ترجمان نے سوشل میڈیا پلیٹ فارم ایکس پر اپنے ایک بیان میں کہا ہے کہ اقوام متحدہ کے ورکنگ گروپ آن فورسڈ یا غیر رضاکارانہ گمشدگیوں نے بلوچ نسل کشی یادگاری دن، دالبندین میں قومی اجتماع پر ایک بیان شیئر کیا۔
ترجمان کا کہنا تھا کہ بیان میں زبردستی لاپتہ کیے گئے افراد، ان کے خاندانوں اور کمیونٹیز کی حمایت پر زور دیا گیا ہے جو ناقابل تصور اذیت برداشت کر رہے ہیں۔
یو این ڈبلیو جی نے کہا کہ جبری گمشدگی بین الاقوامی قانون کے تحت ایک جرم اور متعدد انسانی حقوق کی خلاف ورزی ہے۔ یہ واضح ہے کہ حکومتوں کی جانب سے ان کے وجود سے انکار کے باوجود جبری گمشدگیوں کا استعمال معمول کے مطابق کارکنوں، انسانی حقوق کے محافظ، نسلی اور مذہبی اقلیتوں کے خلاف ہوتا رہا ہے۔
اقوام متحدہ کے ورکنگ گروپ نے جبری گمشدگیوں اور بلوچ یکجہتی کمیٹی کے متاثرین کے لیے اپنی تجدید یکجہتی کا بھی اظہار کیا، اور مزید کہا کہ ان کی طاقت اور لچک ورکنگ گروپ کے انصاف کے حصول کی حوصلہ افزائی کرتی ہے۔
