نیوز اپ ڈیٹ:
کینیڈا کے وزیراعظم جسٹن ٹروڈو نے وزیراعظم کے عہدے سے استعفیٰ دے دیا ہے۔
تقریباً ایک دہائی تک وزیر اعظم رہنے کے بعد جسٹن ٹروڈو کینیڈا کی گورننگ پارٹی کے سربراہ کے عہدے سے مستعفی ہو گئے ہیں۔
ٹروڈو نے اوٹاوا میں ایک نیوز کانفرنس سے خطاب کرتے ہوئے کہا ہے کہ وہ اس وقت تک وزیر اعظم رہیں گے جب تک کہ لبرل پارٹی کا نیا لیڈر منتخب نہیں ہو جاتا۔
اس سے قبل یہ اطلاعات سامنے آئی تھیں کہ کینیڈا کے وزیراعظم نے لبرل پارٹی کی قیادت بھی چھوڑنے پر غور شروع کر دیا ہے۔
گذشتہ ماہ جسٹن ٹروڈو کے وزیر خزانہ نے پالیسی معاملات پر اختلافات کو وجہ بتاتے ہوئے مستعفی ہو گئے تھے۔ ان اختلافات میں سے ایک نو منتخب امریکی صدر ڈونلڈ ٹرمپ کی کینیڈین اشیا پر ٹیرف عائد کرنے کی دھمکی سے نمٹنے سے متعلق تھا۔
کینیڈین وزیراعظم کے بارے میں اب یہ کہا جا رہا ہے کہ وہ پیر کو مقامی وقت کے مطابق دس بجکر 45 منٹ پر ایک نیوز کانفرنس میں مستعفی ہونے کا اعلان کریں گے۔
عوام میں بھی جسٹن ٹروڈو کی مقبولیت کھو رہی ہے اور کچھ سروے اس بات کا پتا دے رہے ہیں کہ اس برس ہونے والے عام انتخابات میں ان کی جماعت شکست کے رستے پر گامزن ہے۔
وہ اس تاثر کو زائل کرنا چاہتے ہیں کہ ان کی جماعت کے ارکان انھیں مستعفی ہونے پر مجبور کر رہے ہیں اس وجہ سے وہ بدھ کو پارٹی کے اجلاس سے قبل ہی اپنا استعفیٰ پیش کرنے پر غور کر رہے ہیں۔
تاہم ذرائع نے یہ کہا ہے کہ یہ بات ابھی واضح نہیں ہے کہ جسٹسن ٹروڈو فوری طور پر اپنے منصب سے علیحدہ ہو جائیں گے یا پھر نئے وزیراعظم کے انتخاب تک وہ یہ عبوری طور پر ذمہ داریاں نبھائیں گے۔
ذرائع کے مطابق جسٹن ٹروڈو نے اپنے مستقبل کے بارے میں ابھی تک کوئی حتمی فیصلہ نہیں کیا ہے۔
