بلوچستان کے ضلع کیچ کے مرکزی شہر تربت میں فائرنگ سے ایک نوجوان ہلاک ہوگیا جبکہ کوئٹہ اور منگچر سے 3 نعشیں برآمدہوئی ہیں۔
تربت کے علاقے سٹیلائٹ ٹاؤن میں نامعلوم مسلح موٹر سائیکل سواروں نے فائرنگ کرکے ایک عنایت ولد لیاقت سکنہ سٹیلائٹ ٹاؤن نامی نوجوان کو قتل کردیا۔
واقعہ کے بعد ملزمان موقع سے فرار ہونے میں کامیاب ہوگئے۔
پولیس نے جائے وقوعہ پر پہنچ کر وقوعہ کی تحقیقات شروع کردی۔
دوسری جانب دارلحکومت کوئٹہ کے علاقے ٹیکسی اسٹینڈ سے 2 نعشیں برآمدہوئیں۔
نعشوں کو شناخت کیلئے ہسپتال منتقل کر دیا گیا۔
اسی طرح منگچر کے علاقے پینزئی ڈیم کوبک کراس کے مقام پر ایک نامعلوم شخص کی نعش پائی گئی جس کو فائرنگ کرکے قتل کردیا گیا تھا۔
نعش ہسپتال منتقل کردیا گیا ۔
نعش کو ضروری کارروائی کے بعد شناخت کیلئے مردہ خانہ میں رکھ دیا گیا، مزید کارروائی منگچر انتظامیہ کررہی ہے۔
