بلوچستان کے ضلع کیچ کے مرکزی شہر تربت میں سیمینار کر نے کی پاداش میں بلوچ ڈاکٹر ماہ رنگ بلوچ سمیت 15 افراد کیخلاف مقدمہ درج کرلیا گیا ہے۔
تربت پولیس نے گذشتہ روز بلوچ یکجہتی کمیٹی کی جانب سے شہید فدا چوک پر سیمینار کے بعد ڈاکٹر ماہ رنگ بلوچ، ماتی نسیمہ، صبغت اللہ شاہ جی، کیچ بار ایسوسی ایشن کے صدر مجید شاہ ایڈووکیٹ، عبدالمجید دشتی ایڈووکیٹ اور محراب خان گچکی ایڈووکیٹ سمیت 15 افراد کے خلاف مقدمہ درج کرلیا ہے۔
دوسری جانب تربت پولیس کی طرف سے تاحال اس ایف آئی آر کی تصدیق نہیں کی گئی ہے۔
واضع رہے کہ مذکورہ سیمینار گذشتہ سال سی ٹی ٹی کے جعلی مقابلے میں قتل کئے گئے بالاچ بلوچ کی برسی کے طوررکھا گیا تھا جس میں ہزاروں کی تعداد میں لوگ شریک ہوئے جو سیمینار سے زیادہ ایک جلسے کی صورت اختیار کرچکی تھی۔
