پاکستان کے صوبہ خیبر پختونخوا کے علاقے پارہ چنار میں مسافروں کے قتل کیخلاف احتجاجی مظاہرین نے باب کرم سکیورٹی چیک پوسٹ کو آگ لگا دی ۔
خیبر پختونخوا کے قبائلی ضلع کرم میں مسافر گاڑیوں پر نامعلوم افراد کی فائرنگ سے ہلاک افراد کی تعداد 44 ہوگئی۔
گزشتہ روز ضلع کرم میں پارا چنار سے پشاور جانے والی گاڑیوں کے قافلے پر اوچت کے مقام پر نامعلوم افراد نے فائرنگ کی تھی۔
اسپتال ذرائع کا بتانا ہے کہ 42 افراد کانوائے میں شامل گاڑیوں میں ہلاک ہوئے جب کہ مزید 2 افراد مختلف علاقوں میں مارے گئے ہیں۔
ہلاک ہونے والے افراد سے متعلق قبائلی رہنما جلال بنگش کا کہنا ہے کہ کل کے واقعات کے خلاف شہریوں نے احتجاج کیا ہے جب کہ ہلاک افراد کی تدفین کا عمل مختلف علاقوں میں جاری ہے۔
