پاکستان کے قبائلی ضلع شمالی وزیرستان میں میرام شاہ کے ایک قریب دھماکے میں پاکستانی فوج کے 2 اہلکارہلاک جبکہ 4 زخمی ہوگئے۔
میڈیا رپورٹوں کے مطابق حکام کا کہنا تھا کہ ضلعی ہیڈکوارٹرز میرام شاہ سے 15 کلو میٹر مشرق میں تاپئی کے علاقے میں فوج کی بم ڈسپوزبل اسکواڈ کی ٹیم پیٹرولنگ کر رہی تھی کہ گاڑی کے قریب ریموٹ کنٹرول ڈیوائس پٹھ گئی۔
اس دھماکے کے نتیجے میں 2 اہلکارہلاک جبکہ ان کے 4 ساتھی زخمی ہوگئے، جن کی شناخت شبیر، عمران، نعیم اور نوید عالم کے نام سے ہوگئی ہے۔
پاکستانی فوج کے شعبہ تعلقات عامہ آئی ایس پی آر نے ایک بیان میں بتایا کہ شمالی وزیرستان میں میران شاہ کے جنوب مشرقی حصے میں معمول کی پیٹرولنگ کے دوران سیکیورٹی فورسز کی گاڑی پر آئی ای ڈی سے حملہ کیا گیا۔
آئی ایس پی آر کے مطابق اس حملے کے نتیجے میں 2 اہلکار صوبیدار عزیز اور لانس نائیک مشتاق نے جام شہادت نوش کیا جبکہ 2 جوان زخمی بھی ہوگئے۔
خیال رہے کہ گزشتہ کچھ عرصے سے ضلع شمالی وزیرستان میں عسکریت پسندوں کے حملے میں کئی سیکیورٹی اہلکار جان کی بازی ہار چکے ہیں۔
