بلوچستان کے دارلحکومت کوئٹہ کے علاقے سریاب روڈ پر ریلوے ٹریک کو دھماکہ خیز مواد سےاڑا دیا گیا۔
ریسکیو ذرائع کے مطابق سریاب روڈ میں نامعلوم مسلح افراد نے ریلوے ٹریک کیساتھ دھماکہ خیز مواد نصب کر رکھا تھا جس کے پھٹنے سے زور دار دھماکا ہوا اور ٹریک کو نقصان پہنچا تاہم کوئی جانی نقصان کی اطلاعات موصول نہیں ہوئی۔
واقعہ کے بعد پولیس اور ریسکیو کا عملہ موقع پر پہنچ گیا۔
مزید کارروائی متعلقہ انتظامیہ کر رہی ہے۔
دوسری جانب پشین میں پاکستان کے حساس ادارے کے آفس پر دستی بم حملہ ہوا۔
حملے سے کمرے کی چھت کو نقصان پہنچا ۔
پولیس کے مطابق حملے میں کوئی جانی نقصان نہیں ہوا ۔
