سالوں سے لاپتہ طلبا رہنما شبیر بلوچ کی ہمشیرہ سیما بلوچ نے سوشل میڈیا پلیٹ فارم ایکس پر اپنے ایک پوسٹ میں کہا ہے کہ ریاست عوامی اجتماع میں خلل نہ ڈالے، عوامی اجتماع میں خلل ڈالنا جمہوریت میں خلل ڈالنا ہے۔
ان کا کہنا تھا کہ بلوچ کے مسئلے ریاست کو حل کرنے ہوںگے۔ مسنگ پرسنز اس وقت سب سے بڑا مسئلہ ہے جسے ریاست کو سنجیدہ لینا ہوگا۔
سیما بلوچ نے کہا کہ سالہا سال گزر گئے ، حکومتیں تبدیل ہوگئیں لیکن حکمران اپنے وعدوں پر نہیں اترتے۔ ہماری زندگیاں ہمارے پیاروں کے بنا اجیرن ہوچکی ہیں۔ ہماری مائیں ادھ پاگل اور ہمارے بھابیاں آدھی بیوہ ہیں۔
ان کا کہنا تھا کہ اپنے پیاروں کا پتا مانگنا اور وہ پیارے جنہیں فورسز اور ایجنسیاں لوگوں کے سامنے اٹھا کر لے گئی ہیں، کسی بھی انسان کا بنیادی حق ہے اور ہم اپنے حق سے دستبردار نہیں ہوں گے۔
