ریاست نے پرامن سیاسی جہدکاروں کیخلاف تشدد کا ماحول پیدا کیا ہے، ڈاکٹر ماہ رنگ بلوچ

0
19
ڈاکٹر ماہ رنگ بلوچ لبنان کے شہر بیروت میں منعقدہ مڈل ایسٹ یوتھ کانفرنس میں ویڈلنک کے ذریعے خطاب کر رہے ہیں

بلوچ یکجہتی کمیٹی کے آرگنائزر اور سرگرم و متحرک انسانی حقوق کارکن ڈاکٹر ماہ رنگ بلوچ نے سوشل میڈیا پلیٹ فارم ایکس پر اپنے ایک پوسٹ میں پشتون تحفظ موومنٹ کے رہنما اور انقلابی شاعر گیلامن وزیر پر جان لیوا حملے کی شدید مذمت کرتے ہوئے کہا کہ اس ریاست نے پرامن سیاسی جہدکاروں کے خلاف تشدد اور جبر کا ایک ایسا ماحول پیدا کیا ہے جہاں پشتون، بلوچ، سندھی، کشمیری، گلگتی، مہاجر اور دیگر مظلوم قوموں کے پرامن سیاسی کارکنان کی زندگی ہر وقت زندگی اور موت کی کشمکش میں ہوتی ہے۔

ان کا کہنا تھا کہ میں انسانی حقوق کے تمام اداروں سے اپیل کرتی ہوں کہ وہ گیلامن وزیر کے لیے آواز اٹھائیں اور پرامن سیاسی کارکنان کی زندگیوں کو تحفظ دینے کے لیے فوری اقدامات کریں۔

واضع رہے کہ گیلامن وزیر پر پاکستان کے دارلحکومت اسلام آباد میں چند روز قبل قاتلانہ حملہ ہوا تھا ۔

گیلامن وزیر شدید زخمی ہیں اور پمز ہسپتال میں زیر علاج ہیں جبکہ ہسپتال کے باہر پی ٹی ایم کے کارکنان کی ایک بڑی تعداد موجود ہے۔

LEAVE A REPLY

Please enter your comment!
Please enter your name here