بلوچستان کے علاقے شیرانی میں ڈی آئی خان قومی شاہراہ دانہ سر کے مقام پر لکڑی سے لدی ہوئے ٹریکٹر ٹرالی کو حادثہ پیش آیا۔
حادثے میں 3 افراد ہلاک جبکہ 3 افراد شدید زخمی ہوگئے۔
حادثہ تیز رفتاری اور ٹریکٹر کے بے قابو ہونے سے پیش آیا۔ جس کے نتیجے میں لکڑیوں سے لدی ٹرالی پر بیٹھے 6 افراد ٹرالی کے نیچے جا گرے ۔
ہلاک افراد کی شناخت جمعہ رحیم ولد گل شیر، مبین ولد مراد خا ن، سیف الرحمان ولد ملا لاجمیر کے ناموں سے ہوگئی جبکہ زخمی افراد میں شمس اللہ، بطیل اور محمد حسن نامی افراد شامل ہیں۔
