بلوچستان کے علاقے خاران میں پاکستانی فورسز ایف سی ہیڈ کوارٹر پر حملہ ہوا ہے جہاں دھماکوں اور فائرنگ کی آوازوں کی اطلاعات ہیں۔
علاقائی ذرائع کے مطابق اب سے کچھ دیر قبل مسلح افراد نے ایف سی ہیڈکوارٹرز پر حملہ کیا ہے۔
ذرائع بتاتے ہیں کہ اب سے کچھ دیر قبل خاران ایف سی کیمپ پر یکے بعد دیگرے چار زوردار دھماکے ہوئے۔
دھماکوں کے بعد فورسز نے شدید اندھا دھند فائرنگ شروع کردی ہےجبکہ شہر میں ناکہ بندی کرکے سرچ آپریشن شروع کردیا گیا ہے۔
حملے میں تاحال جانی و مالی نقصان کی اطلاع موصول نہیں ہے۔
اس حملے کی ذمہ داری تاحال کسی تنظیم نے قبول نہیں کی ہے البتہ خاران سمیت بلوچستان میں اس طرز کے حملے آزادی پسند تنظیموں کی جانب سے قبول کی جاتی ہیں۔
