سعودی عرب میں حج کے دوران شدید گرمی سے 550 عازمین ہلاک ہوگئے۔
منگل کے روز سفارت کاروں نے بتایا ہےکہ اس سال حج کے دوران کم از کم 550 عازمین کی اموات ہوئی ہیں، جن کی بیشتر وجہ اس سال پڑنے والی شدید گرمی تھی۔ مرنے والوں میں سے کم از کم 323 مصری باشندے تھے۔
اپنے ملکوں کے ردعمل کو مربوط کرنے والے دو عرب سفارت کاروں نے اے ایف پی کو بتایا کہ مرنے والوں میں سے کم از کم 323 مصری تھے، جن میں سے زیادہ تر گرمی سے متعلقہ بیماریوں کا شکار ہو ئے تھے۔
سفارت کاروں میں سے ایک نے بتایا کہ ” سوائے ایک کے ان سب (مصری) کی موت گرمی کی وجہ سے ہوئی۔”
ایک سفارت کار نے مزید کہا کہ اموات کی کل تعداد مکہ کے المعیسم محلے میں واقع اسپتال کے مردہ خانے سے سامنےآئی ہے۔
سفارت کاروں نے بتایا کہ مرنے والوں میں کم از کم 60 اردنی باشندے شامل ہیں، جو عمان کی طرف سے منگل کے روز پہلے دی گئی 41 کی سرکاری تعداد سے زیادہ ہے۔
اے ایف پی کے اعداد و شمار کے مطابق، اموات کی نئی تعداد سے متعدد ممالک میں اب تک رپورٹ ہونے والی کل تعداد 577 ہو گئی ہے۔
سفارت کاروں نے بتایا کہ مکہ کے سب سے بڑے میں سے ایک، المعیسم کے مردہ خانے میں کل تعداد 550 تھی۔
گزشتہ ماہ شائع ہونے والی ایک سعودی تحقیق کے مطابق، آب و ہوا کی تبدیلی سے حج پر تیزی سے اثر پڑ رہا ہے۔
رپورٹ میں کہا گیا ہے کہ جس علاقے میں عبادات کی جاتی ہیں وہاں درجہ حرارت ہر دہائی میں 0.4 ڈگری سیلسیس (0.72 ڈگری فارن ہائیٹ) بڑھ رہا ہے۔
