بلوچ طالب علم رہنما اور بی ایس او آزاد کے سابق وائس چیئر مین ذاکر مجید کی پاکستانی فوج کے ہاتھوں جبری گمشدگی کو 15 سال مکمل ہوگیاہے،کل کوئٹہ میں احتجاجی مظاہرے کا اعلان کیا گیا ہے۔
ذاکر مجید بلوچ کی جبری گمشدگی کو کل 8 جون کو 15 سال کا طویل عرصہ مکمل ہوگا۔
ذاکر مجید کے جبری گمشدگی کو 15 سال مکمل ہونے پر اس کی والدہ کی جانب سے کل بروز ہفتہ شام 4 بجے کوئٹہ پریس کلب کے سامنے احتجاجی مظاہرے کا انعقاد کیا جارہا ہے۔
اس سلسلے میں بلوچستان میں انسانی حقوق کے سرگرم کارکن اور بلوچ یکجہتی کمیٹی کے رہنما ڈاکٹر ماہ رنگ بلوچ نے سوشل میڈیا پلیٹ فارم ایکس پر اپنے ایک پوسٹ میں کل بروز ہفتہ کو کوئٹہ میں ذاکرمجید کی بازیابی کیلئے منعقدہ احتجاجی مظاہرے میں تما م لوگوں سے اپیل کی گئی ہے کہ اگر آپ کل کوئٹہ میں موجود ہیں تو ذاکر مجید کے جبری گمشدگی کے خلاف اس احتجاجی مظاہرے میں ضرور شرکت کریں اور ذاکر کی والدہ کی آواز بنے۔
