پاکستان کی صوبہ سندھ کی آزادی کیلئے سرگرم سندھی مسلح تنظیم سندھودیش روولیوشنری آرمی (ایس آر اے) کے ترجمان سوڈھو سندھی نے میڈیا کو جاری کردہ اپنے ایک پریس ریلیز میں اے ایس پی لاڑکانہ کی آفس پر بم دھماکے کی ذمہ داری قبول کرلی ہے ۔
ترجمان کا کہنا تھا کہ سندھودیش روولیوشنری آرمی (ایس آر اے) اے ایس پی لاڑکانہ سٹی کی آفس پر ہونے والے بم حملے کی ذمہ داری قبول کرتی ہے۔
بیان میں کہا گیا کہ سندھ پولیس ، سی ٹی ڈی اور خاص طور پر اے ایس پی لاڑکانہ آفس پاکستانی خفیہ ایجنسیوں سے ملکر ، ان کی ایما پر سندھی قومپرست کارکنان کے گھروں پر دھاوا ڈالنے، ان کو اٹھاکر جبری لاپتا کرنے، ان کے خون ڈبونے اور ان کی آزادی اور انصاف کے لیئے ہونے والے احتجاجوں پر فائرنگ، شیلنگ اور لاٹھی چارج کرنے میں ملوث رہی ہے۔
انہوںنے کہا کہ ان کو خبردار کیا جاتا ہے کہ ریاستی ایجنسیوں کی ایمہ پر وہ اپنی دلالی والا کردار ادا کرنا بند کریں ۔ دوسری صورت میں ان پر اور مزید تیزی سے ایکشن کيئے جائیں گے۔
بیان میں کہا گیا کہ ایس آر اے سندھ کی مکمل آزادی تک اپنی مزاحمتی جدوجہد جاری رکھنے کا عزم دُہراتی ہے۔
