بلوچستان کے علاقے قلات میں سگنداز کے مقام پر کراچی سے کوئٹہ جاتے ہوئے گاڑی اور قلات سے زہری جاتے ہوئے ویگن کے درمیان تصادم کے نتیجے میں وٹس گاڑی کا ڈرائیور صبغت اللہ ولد عبدالباری سکنہ قلعہ عبداللہ موقع پر ہلاک جبکہ ٹوڈی میں بشیر احمد سکنہ قلعہ عبداللہ سمیت 6 افراد زخمی ہوگئے۔
زخمیوں میں خواتین بھی تین خواتین بھی شامل ہیں۔
دوسری جانب اوستہ محمد ہیڈ باغ تھانہ کی حدود گوٹھ رسول آباد میں نامعلوم مسلح افراد نے جدید اسلحہ کے زور پر گھر میں گھس کر گلستان بی بی محبوب علی اور عمران علی کو شدید زخمی کرکے بارہ سالہ بچی فوزیہ کو اغوا کرکے فرار ہو گئے۔
جبکہ پولیس نے شدید زخمیوں کو سول ہسپتال اوستہ محمد منتقل کر دیا اور دو شدید زخمیوں کو مزید علاج کے لیے لاڑکانہ ریفر کر دیا تاہم واقع کی وجوہات معلوم نہ ہو سکیں۔
مزید کارروائی پولیس کررہی ہے۔
