بلوچستان میں نیٹ ورک جزوی طور پر بحال ہوتی ہے دن بھر کی خبریں آہستہ آہستہ پہنچ رہی ہیں۔
آج بلوچستان میں دن بھر میں پولنگ اسٹیشنز، انتخابی مہم ، امیدواران، فورسز اور پولنگ اسٹاپ پر متعدد حملے ہوئے ۔
خاران لجے اور پنجگور میں 2 لیویز اہلکار اور 2 بچے بم حملوں و دھماکوں سے ہلاک ہوگئے جبکہ کئی پولنگ اسٹیشن نذر آتش اور متعددپولنگ اسٹیشن میں ووٹ کاسٹ نہیں ہوا۔
خاران شہر میں شیخان محلہ کے قریب واقع ہندو محلہ سکول کے قریب دھماکے کی اطلاع موصول ہوئی ہے۔
حملہ آج دوپہر کو ساڑھے 1 بجے خاران شہر میں شیخان محلہ کے قریب واقع ہندو محلہ سکول کے نزدیک ہوا ہے۔
حملے کا نشانہ واضح طور پر سکول میں جاری پولنگ کا عمل تھا۔
واضح رہے کہ مسکان قلات سمیت خاران شہر میں آج پولنگ سٹیشنز پر یہ چوتھا بم حملہ ہے۔
اسی طرح بلوچستان بھر میں آج تمام علاقوں میں ریاستی انتخابات پے در پے شدید حملوں کی زد میں تھے۔
ذرائع کے مطابق آج خاران میں تمام مقامات پر پولنگ کا عمل ٹھپ ہوکر رہ گیا تھا۔
اسی طرح آج صبح گوادر کے علاقے پشکان، گنز اور روبار پولنگ اسٹیشنز میں تین مختلف دھماکے ہوئے۔
دھماکہ پشکان بوائز ہائی سکول، روبار بوائز ہائی سکول اور گنز ہائی سکول میں پیش آئے ہیں۔
واضح رہے مذکورہ اسکول انتخابات کیلئے استعمال ہورہے تھے۔
خیال رہے اس کے علاؤہ بھی آج صبح روبار اور گنز میں پولنگ اسٹیشنز پر حملہ کیا گیا تھا۔
خدشہ ظاہر کیا جارہا ہے کہ گوادر میں مزید پولنگ اسٹیشنز پر بھی حملہ کیا گیا ہے تاہم صبح سے علاقے میں نیٹورک نہ ہونے کے باعث کئی علاقوں میں رسائی ممکن نہیں ہوسکی ہے جبکہ اب سے کچھ دیر قبل مختلف علاقوں میں نیٹورک بحال کیا جاچکا ہے جبکہ مزید کچھ علاقوں میں ابھی تک نیٹورک بند ہے۔
مذکورہ حملوں کی ذمہ داری تاحال کسی تنظیم نے قبول نہیں کی ہے۔
