پاکستان کے دارلحکومت اسلام آباد میں بلوچ لانگ مارچ کے گرفتارمظاہرین میں سے ڈاکٹر ظہیر بلوچ کو اڈیالہ جیل سے رہا کردیا گیاہے۔
اڈیالہ جیل سے رہائی کے بعد بلوچ دھرنا کیمپ سے میڈیا سے بات چیت کرتے ہوئے ڈاکٹر ظہیر بلوچ نے کہا کہ اب بھی 34 مظاہرین جیل میں ہیں جن میں سے اکثریت طلبہ کی ہے۔
انہوں نے جیل میں قید طلبہ کی رہائی کا مطالبہ کرتے ہوئے کہا کہ جمعرات سے امتحانات ہیں، جیل میں قید طلبہ کو رہا نہ کیا گیا تو ان کا سمسٹر اور تعلیم متاثر ہو گی، گرفتار طلبہ اور مظاہرین کو فوری رہا کیا جائے۔
اس موقع پر ڈاکٹر ماہ رنگ بلوچ نے کہا کہ ہم مذاکرات کیلئے تیار ہیں لیکن تمام افراد کو رہا کیا جائے۔