بلوچستان کے قلات میں شدید سردی میں گیس بندش اور بجلی کی طویل لوڈشیڈنگ کے خلاف خواتین اور بچوں نے کوئٹہ ٹوکراچی قومی شاہراہ کو مغل چوک کے مقام پر احتجاجاً بند کردیا۔
روڈبندش سے گاڑیوں کی لمبی قطاریں لگ گئیں، ہزاروں مسافر پھنس گئے ۔
مظاہرین کاکہناہے کہ شدید سردی میں گیس بندش اور بجلی کی لوڈشیڈنگ کے ساتھ ساتھ عوام پانی کی بوند بوند کےلئے ترس گئے۔
انہوں نےکہا کہ قلات ملک کا سرد ترین علاقہ ہے یہاں گیس نہیں بجلی کی طویل لوڈشیڈنگ سے عوام کو شدید مشکلات کا سامنا ہے جب تک ہمارے مطالبات تسلیم نہیںکیے جاتے احتجاج کا سلسلہ جاری رہیگا ۔
