حکومت بلوچستان نے کشمیرمیں خاتون بمبار کے داخلے کی وارننگ جاری کردی ہے۔
اس سلسلے میں بلوچستان حکومت نے پاکستانی مقبوضہ کشمیر کی حکومت کو ایک مراسلہ میں متنبہ کیا ہے کہ ایک خاتون خودکش بمبار کسی بھی وقت کشمیر میں داخل ہوسکتی ہے جس کے بعد کشمیر حکومت کے انسداد دہشتگری ونگ کی طرف سے کشمیر بھر کے ضلعی پولیس سربراہان کو آگاہ کیا گیا ہے کہ تھانے کی حدود میں مشکوک خواتین پر نظر رکھیں ۔
ماضی میں مراسلوں کے زریعہ خودکش بمبار مردوں کی حملے کی وارننگ ہوتی رہی مگر پہلی دفعہ کسی خاتون خود کش بمبار کے بلوچستان سے کشمیر داخل ہونے کی وارننگ سامنے آ ئی ،گو کہ مشرف دور میں راولاکوٹ میں بعض نوجوانوں کی طرف سے خودکش حملے ضرور ہوئے مگر بلوچستان سے تاریخ میں پہلی مرتبہ بلوچستان کی آزادی پسند تنظیموں کی جانب سے کچھ عرصہ قبل خود کش دھماکا سامنے آ یا ۔
