بلوچ آزادی پسند رہنما اور بلوچستان لبریشن فرنٹ کے سربراہ ڈاکٹر اللہ نذر بلوچ نے اتحاد کے بغیر بلوچستان کی آزادی کی حصول کومشکل قرار دیا ہے ۔
بلوچ رہنما نے گذشتہ دنوں سماجی رابطے کی ویب سائٹ ایکس پر اپنے ایک مختصرپوسٹ میں کہا ہے کہ سیاسی اور عسکری ہم سنگی کے بغیر ہمارے قومی مقاصد کا حصول مشکل ہوگا۔
ان کا کہنا تھا کہ جلد یا بدیر، ہمارا اتحاد براس ایک ہو جائے گا۔
بلوچ رہنما نے مزید کہا کہ میں آزادی پسند بلوچ تنظیموں سے اپیل کرتا ہوں کہ وہ ہر سطح پر متحد ہو جائیں۔ بصورت دیگر ہم موقع سے ہاتھ دھو بیٹھیں گے کیونکہ ہمارے دشمن نے میدان کھو دی ہے۔
