پاکستانی فوج کے شعبہ تعلقات عامہ (آئی ایس پی آر) نے ایک بیان میں کہا کہ گزشتہ رات شمالی اور جنوبی وزیرستان میں سکیورٹی فورسز اور عسکریت پسندوں کے درمیان دو سخت مقابلے ہوئے۔
آئی ایس پی آر نے دعویٰ کیا ہے کہ صوبہ خیبر پختونخوا کے شمالی وزیرستان کے ضلع غوریوم میں ایک آپریشن کے دوران سیکورٹی فورسز نے 6مسلح افراد کو ہلاک کر دیا۔ تاہم آپریشنز کے دوران 4 فوجی بھی ہلاک ہو گئے۔
دعوے میں کہا گیا کہ فوج نے وزیرستان کے شمالی اور جنوبی علاقوں میں دو الگ الگ آپریشنز کیے، جس میں ایک انتہائی مطلوب شدت پسند بھی مارا گیا۔
بیان کے مطابق سب سے پہلے شمالی وزیرستان کے غوریوم میں مقابلہ ہوا، جہاں فورسز نےعسکریت پسندوں کے ایک ٹھکانے کو صحیح طور پر تلاش کیا تھا۔ اس تصادم میںعسکریت پسند تنظیم کے ایک سرغنہ حضرت زمان عرف خاوری ملا سمیت 6 عسکریت پسند مارے گئے۔
