امریکی سینٹرل کمانڈ کے سابق کمانڈر جنرل فرانک مکینزی کا کہنا ہے کہ طالبان کے القاعدہ کے ساتھ تعلقات امریکا سے زیادہ مضبوط ہیں۔
امریکی ٹی وی کو انٹرویو دیتے ہوئے امریکی سینٹرل کمانڈ کے سابق کمانڈر جنرل فرانک مکینزی نے کہا کہ صدر بائیڈن نے دعویٰ کیا تھا کہ القاعدہ کے خاتمے کیلئے طالبان امریکا کا ساتھ دیں گے۔
انہوں نے کہا کہ افغانستان سے انخلا کے وقت طالبان نے عارضی طور پر ایسا مانا ہو گا، طالبان پر بھروسہ نہیں کیا جا سکتا۔
ان کا کہنا تھا کہ طالبان کا القاعدہ کے ساتھ طویل مدتی خاندانی اور روایتی تعلق ہے، یہ رشتہ امریکا کے ساتھ کسی بھی ممکنہ تعلق سے کہیں زیادہ مضبوط ہے۔
امریکی سینٹرل کمانڈ کے سابق کمانڈر جنرل فرانک مکینزی نے کہا کہ 25 ہزار امریکی فوج کو افغانستان میں چھوڑنے کا مشورہ دیا تھا۔
