بلوچ لبریشن آرمی کے ترجمان جیئند بلوچ نے میڈیا کو جاری کردہ اپنے ایک پریس ریلیز میںپنجگور اور تربت میں پاکستانی فوج پرحملوں کی ذمہ داری قبول کرلی ۔
ترجمان کا کہنا تھا کہ ہمارے سرمچاروں نے پنجگور اور تربت میں دو مختلف حملوں میں قابض پاکستانی فوج کو نشانہ بنایا، حملوں میں پانچ دشمن اہلکار زخمی ہوگئے۔
بیان میں کہا گیا کہ بی ایل اے کے سرمچاروں نے گذشتہ شب پنجگور کے علاقے راہی نگور میں سی پیک روٹ پر قائم قابض پاکستانی فوج کے ایک پوسٹ کو نشانہ بنایا۔
انہوں نے کہاکہ سرمچاروں نے پوسٹ پر گرنیڈ لانچر سے متعدد گولے داغے، دھماکوں کے کے نتیجے میں کم از کم تین دشمن اہلکار زخمی ہوگئے اور دشمن کو مزید مالی نقصان کا سامنا کرنا پڑا۔
ترجمان نے کہا کہ بلوچ لبریشن آرمی کے سرمچاروں نے 2 ستمبر کی رات ایک اور کارروائی میں تربت کے علاقے جوسک میں قابض پاکستانی فوج کے ایک چوکی کو دستی بم حملے میں نشانہ بنایا، دھماکے میں دو دشمن اہلکار زخمی ہوگئے۔
بیان میں کہا گیا کہ بلوچ لبریشن آرمی مذکورہ دونوں حملوں کی ذمہ داری قبول کرتی ہے۔ مقصد کے حصول تک قابض فوج اور اس کے شراکت داروں پر ہمارے حملے جاری رہینگے۔
