بلوچستان کے ضلع گوادر شہر میں پاکستان بحریہ کا ہیلی کاپٹر گر کر تباہ ہوگیا۔
حادثے میں 2افسران سمیت عملے کے 3 ارکان ہلاک ہو گئے۔
ترجمان پاکستان بحریہ کے مطابق گوادر میں پاکستان بحریہ کا ہیلی کاپٹر تربیتی پرواز کے دوران حادثے کا شکارہو گیا۔ حادثے کے نتیجے میں پاکستان بحریہ کے 2 افسران سمیت عملے کے 3 ارکان ہلاک ہو گئے۔
ہلاک اہلکاروں میں پائلٹ لیفٹیننٹ کمانڈر جواد، معاون پائلٹ لیفٹیننٹ کمانڈر حمزہ اور ٹیکنیشن حسنین شامل ہیں۔
پاکستان بحریہ کی جانب سے حادثے کی تحقیقات کا آغاز کر دیا گیا ہے۔
سوشل میڈیا پر جاری ایک ویڈیو میں دیکھا جاسکتا ہے کہ ہیلی کاپٹر دوران پروازقلابازیاں کھاکر زمین پر گر جاتا ہے ۔
