بلوچستان کے دارلحکومت کوئٹہ میں سریاب کے علاقے منیر احمد روڈ پر پاکستانی فورسز نے ایک گھر پر چھاپہ مارکر گھر میں موجود افراد کو تشدد کا نشانہ بنایا اور گھر میں تھوڑ پھوڑکرنے بعد ایک نوجوان کو حراست میں لیکر جبری طور پر لاپتہ کردیا ہے۔
لاپتہ کئے گئے نوجوان کی شناخت محمد حسن ولد محمد اکرم بنگلزئی کے نام سے ہوگئی ہے ۔
محمد حسن کے رشتہ داروں نے تصدیق کرتے ہوئے بتایا کہ فورسز اہلکار رات گئے گھر سے محمد حسن بنگلزئی کو زبردستی اپنے ہمراہ لے گئے جس کے بعد ان کے حوالے سے کسی قسم کی معلومات نہیں مل سکی ہے۔
اس سے قبل محمد حسن کے رشتہ دار جبری گمشدگی کا نشانہ بنے ہیں، محمد حسن کے اہلخانہ نے محمد حسن کی فوری باحفاظت بازیابی کا مطالبہ کیا ہے۔
