بلوچستان لبریشن فرنٹ کے ترجمان میجر گہرام بلوچ نے میڈیا کو جاری کردہ اپنے ایک پریس ریلیز میں کراچی میں رینجرز اہلکارکی ہلاکت کی ذمہ داری قبول کرلی۔
ترجمان کا کہنا تھا کہ بلوچستان لبریشن فرنٹ کے سرمچاروں نے گزشتہ رات آٹھ بجکر تیس منٹ پر سندھ کے مرکزی شہر کراچی میں لیاری الفلاح روڈ پر ایک (آئی بی او) انٹیلی جنس بیسڈ آپریشن کرتے ہوئے سندھ رینجرز کے اہلکار لانس نائیک دلشاد کو فائرنگ کرکے ہلاک کردیا۔
انہوںنے کہا کہ رینجرز سندھ کے مختلف علاقوں میں آباد بلوچوں خاص کر لیاری میں بلوچ نوجوانوں کی جبری گمشدگی، جعلی مقابلوں میں شہید کرنے جیسی سنگیں جرائم کا مرتکب ہے۔ اس کے علاوہ روزانہ کی بنیاد پر بلوچوں کے گھروں میں رات کی تاریکی میں بندوق کی زور پر گھس کر خواتین و بچوں کی تذلیل میں ملوث ہے۔
ترجمان نے کہا کہ پاکستانی رینجرز گینگ وار کے نام پر تعلیم یافتہ معصوم بلوچ نوجوانوں کو جعلی مقابلوں میں زیرِحراست شہید کر رہا ہے۔
میجر گہرام بلوچ کا مزید کہنا تھا کہ بلوچستان لبریشن فرنٹ اس حملے کی ذمہ داری قبول کرتی ہے۔ بلوچ قوم کی نسل کشی اور تذلیل میں ملوث دہشتگرد ریاستی اہلکاروں کوکسی صورت نہیں بخشا جائے گا۔ مادرِ وطن کی آزادی تک ایسے حملے شدت کے ساتھ جاری رہیں گے۔
