بلوچستان کے ضلع کیچ کے مرکزی شہر تربت کے علاقہ ملک آباد میں بجلی بندش کے خلاف خواتین نے روڈ بلاک کرکے شدیداحتجاج کیا۔
مظاہرین کا کہنا تھا کہ بجلی لائن کو 4 روز سے کیسکو حکام نے منقطع کردیا ہے، 45 سینٹی گریڈ گرمی میں لوگ شدید اذیت میں مبتلا ہیں، گھروں میں پانی نہیں، علاقہ مکین پریشان ہیں۔
مظاہرین میں خواتین و بچوں کی کثیر تعداد شامل تھی جو اس شدید گرمی میں بجلی کی مسلسل بندش کے خلاف گھروں سے باہر نکل آئے۔
مظاہرین کا کہنا ہے کہ ملک آباد کی لِنک اتار دیئے جا چکے ہیں جس سے بجلی منقطع ہے۔
انہوں نے مطالبہ کیا کہ کیسکو حکام انکی بجلی فوری بحال کریں اور لوگوں کو اذیت میں مبتلا کرنے سے گریز کریں۔
