بلوچ قوم پرست رہنما اوربلوچستان اسمبلی کے سابق اسپیکر وحید بلوچ کی صاحبزادی شلی بلوچ نے امریکا کی کولمبیا یونیورسٹی سے پبلک ایڈمنسٹریشن میں ماسٹرز کی ڈگری حاصل کرلی ہے۔
انھوں نے یہ ڈگری کولمبیا یونیورسٹی کی اسکول آف انٹرنیشنل اینڈ پبلک افیئرز سے حاصل کی ہے۔
شلی بلوچ نے اپنی تحقیقی مکالہ میں پاکستانی حکومت سے متعلق بلوچ عوام کے جذبات کا جائزہ لیا ہے۔
اس سلسلے میں سابق اسپیکر بلوچستان اسمبلی وحید بلوچ نے مائیکرو بلاگنگ ویب سائٹ ٹوئٹر پر اپنی اور اپنی صاھبزادی کی ایک فوٹو شیئر کرتے ہوئے اسے اپنے خاندان کے لیے ایک قابل فخر لمحہ قرار دیا ہے ۔
یونیورسٹی کی ویب سائٹ پر ایک تفصیلی مضمون میں شلی بلوچ نے کہا کہ وہ شکر گزار ہیں کہ انہیں دو سال میں متعدد موضوعات کے بارے میں سیکھنے کا موقع ملا۔
واضح رہے کولمبیا یونیورسٹی کا شمار امریکہ کی ان آٹھ معتبر جامعات میں ہوتا ہے جنھیں آئی وی لیگ اسکول کہا جاتا ہے۔
