حکومتِ بلوچستان نے ایسے دکانداروں کے ماہانہ کرائے دو ماہ کے لیے موخر کرنے کے احکامات جاری کیے ہیں جن کی دکانیں نجی مالکان کی ملکیت ہیں۔
اس سے قبل سرکاری دکانوں کے کرائے بھی دو ماہ کے لیے موخر کرنے کے احکامات جاری کیے گئے تھے۔
اس حوالے سے جاری ہونے والے نوٹیفیکیشن کے مطابق 23 مارچ 2020 سے دو ماہ کے لیے نجی دکانوں کے مالکان کرایے کی ادائیگی نہ ہونے کی بنیاد پر کسی بھی دکاندار کو اپنی دکان سے بیدخل نہیں کرسکیں گے۔
یہ احکامات 24 مئی تک نافذ العمل رہیں گے۔
