عام شہریوں کے لیے ماسک یا کسی بھی کپڑے سے منھ اور ناک کو ڈھانپنے کو لازمی قرار دیے جانے کے بعد حکومتِ بلوچستان نے اب ایک ایسا ہی حکمنامہ صوبے بھر کے سرکاری ملازمین کے لیے بھی جاری کر دیا ہے۔
اتوار کو جاری ہونے والے اس نوٹیفیکیشن کے مطابق تمام سرکاری ملازمین کے لیے یہ لازمی قرار دیا گیا ہے کہ وہ ماسک پہنیں یا کسی اور کپڑے سے منھ اور ناک کو ڈھانپیں۔
حکمنامے میں تمام محکموں کے انتظامی سربراہوں سے کہا گیا ہے کہ وہ اس پر عملدرآمد کو یقینی بنائیں۔
دوسری جانب ایڈیشنل آئی جی پولیس کوئٹہ عبد الرزاق چیمہ نے عوام سے اپیل کی ہے کہ وہ حکومتی ہدایات پر عملدرآمد کریں اور اس سلسلے میں پولیس سے تعاون کریں تاکہ جلد سے جلد لاک ڈاﺅن کا خاتمہ ہو۔
