بلوچستان کے دارلحکومت کوئٹہ سے گذشتہ شب پاکستانی فورسز کے ہاتھوں بلوچ خاتون ماہل بلوچ کی جبری گمشدگی اور بعدازاں ان پر لگائے گئے الزامات کے خلاف بلوچ کراچی بلوچ یکجہتی کمیٹی نے کراچی پریس کلب کے باہر ایک پرامن احتجاج کیا۔
مظاہرین نے سی ٹی ڈی کے ہاتھوں اغوا ہونے والے ماہل بلوچ پر لگائے گئے تمام جھوٹے الزامات کی تردید کی۔
کراچی پریس کلب کے باہر بلوچ یکجہتی کمیٹی کراچی کے تحت احتجاجی مظاہرین نے بینر اٹھائے ہوئے تھے جس پر ماہل بلوچ کی بحفاظت بازیابی کے نعرے درج تھے۔
مظاہرین نے مقتدر حلقوں سے مطالبہ کیا کہ ماہل بلوچ کو بحفاظت بازیاب کرکے ان پر قائم جھوٹے مقدمات کا خاتمہ کیا جائے۔
