ڈیرہ اسماعیل خان کی گومل یونیورسٹی میں طلبا و طالبات کے میل جول پر پابندی پر ہیومن رائٹس کمیشن آف پاکستان نے تشویش کا اظہار کیا ہے۔
ہیومن رائٹس کمیشن آف پاکستان کی جانب سے جاری بیان میں کہا گیا ہے کہ طلبا کو الگ تھلگ کرنے سے عدم برابری کی فضا کو تقویت ملے گی۔
ہیومن رائٹس کمیشن آف پاکستان نے گومل یونیورسٹی کی انتظامیہ سے طلبا و طالبات کے میل جول پر پابندی کا نوٹیفکیشن واپس لینے کا مطالبہ کیا ہے۔
یاد رہے کہ چند روز قبل گومل یونیورسٹی انتظامیہ کی جانب سے طلبا و طالبات کو کلاس رومز تک محدود رہنے اور اکٹھے میل جول کرنے سے منع کیا گیا تھا۔
یونیورسٹی انتظامیہ کا کہنا تھا یہ فیصلہ کسی ناخوشگوار صورتحال سے بچنے کے لیے کیا گیا ہے، انتظامیہ کے مطابق فیصلے سے طالبات کو زیادہ بہتر اور محفوظ ماحول مل سکے گا۔
سنگر نیوز واٹس ایپ چینل
بلوچستان کی تازہ ترین، موثق اور لمحہ بہ لمحہ خبروں سے باخبر رہنے کے لیے ہمارے واٹس ایپ چینل کو فالو کیجیے۔
