بلوچستان کے دالحکومت کوئٹہ سے پشاور جانیوالی جعفر ایکسپریس میں چیچہ وطنی کے قریب دھماکاہوا ہے جس سے ایک خاتون ہلاک اور 4 افراد زخمی کی ہونے کی اطلاعات ہیں۔
ریلوے ذرائع نے تصدیق کی ہے کہ جعفر ایکسپریس میں دھماکے سے ایک خاتون ہلاک اور 4 مسافر زخمی ہوگئے۔
ریلوے ذرائع کا کہنا ہےکہ دھماکا اکانومی کلاس کی بوگی نمبر 6 میں ہوا، واقعے میں زخمی ہونے والے افراد کو اسپتال منتقل کردیا گیا۔
پولیس کا کہنا ہےکہ سرچ آپریشن کے بعد ٹرین کی دیگر بوگیوں کو کلیئر قرار دے دیا گیا ہے۔
ریلوے حکام کا کہنا ہےکہ جعفر ایکسپریس کو چیچہ وطنی ریلوے اسٹیشن پر روک لیا گیا ہے۔
ترجمان ریلوے کے مطابق جعفر ایکسپریس میں دھماکاسلنڈر پھٹنے کے باعث ہوا ، دھماکے میں ہلاک خاتون کی شناخت کرلی گئی ہے، خاتون بہاولپور کی رہائشی تھی۔
