ضلع آواران سے آمدہ اطلاعات کے مطابق جھاؤ کے مختلف علاقوں میں پاکستانی فوج کا آپریشن جاری ہے۔
جمعہ کے روز پاکستانی فوج کے جنگی ہیلی کاپٹروں نے جھاؤ سے متصل پہاڑی سلسلے سورگر میں حکیم داد،درگی، پرپیٹ، گوک کور اور شش بھینٹی کے مقام پر شیلنگ کی ہے اور آج صبح سویرے جھاؤ کے علاقے کوہرو سے بڑے پیمانے پر فوجی دستے نکل کر سورگر کی جانب روانہ ہوئے ہیں۔
بتایا جاتا ہے کہ آپریشن میں فوجی سازوسامان اور راشن کی باربرداری کے لئے اونٹ اور گدھے بڑی تعداد میں استعمال میں لائے جارہے ہیں۔
ادھر گریشہ سے بھی اطلاعات ہیں کہ جھاؤ آپریشن میں حصہ لینے کے لئے 30 ٹرکوں پر مشتمل فوجی قافلہ جھاؤ کی جانب روانہ ہوچکا ہے۔
واضح رہے کہ سورگر میں حال ہی میں فوج نے بہت بڑی آپریشن کی تھی جس میں متعدد لوگ لاپتہ اور بے شمار گھر نذرآتش کئے تھے۔
تاہم جاری آپریشن اور علاقے مکمل سیل ہونے کی وجہ سے مکمل تفصیلات و نقصانات تک رسائی کی کوشش کی جا رہی ہے۔
