بلوچستان میں 17 اپریل کی شام مزید 11 افراد میں کورونا وائرس کی تصدیق کی گئی ہے جس کے بعد صوبے میں متاثرین کی مجموعی تعداد 346 ہو گئی ہے۔
جبکہ پاکستان میں کورونا وائرس کے متاثرین کی مجموعی تعداد 7394 تک پہنچ گئی ہے۔
ترجمان بلوچستان حکومت لیاقت شاہوانی نے بلوچستان میں مزید 11 مقامی افراد میں کورونا وائرس کی تصدیق کرتے ہوئے بتایا کہ 46 ٹیسٹوں کی رپورٹس موصول ہوئی ہے جن میں سے 11 مثبت اور 35 منفی نتائج سامنے آئے ہیں۔
بلوچستان میں ابتک 142 مریض صحتیاب اور 5 ہلاک ہو چکے ہیں۔
