کاؤنٹر ٹیرر ازم ڈپارٹمنٹ (سی ٹی ڈی)نے دعویٰ کیا ہے کہ سی ٹی ڈی آپریشن گارڈن نے وفاقی حساس ادارے کی معاونت سے بلوچستان کے علاقے حب میں حب ریور روڈ ناردرن بائی پاس کے قریب چھاپہ مار کر کالعدم تنظیم ایس آر اے کے افراد گرفتار کرلیے۔
سی ٹی ڈی سندھ کی جانب سے جاری اعلامیے کے مطابق موچکو حب ریور روڈ ناردرن بائی پاس الواجد کوئٹہ دربار ہوٹل کے قریب کالعدم تنظیم کے کیخلاف چھاپہ مار کارروائی کے دوران سی ٹی ڈی پولیس نے ایس آر اے کے 3 ارکان فیاض علی جمالی، علی اصغر اور شعیب علی کو گرفتار کر کے بھاری مقدار میں دھماکا خیز مواد، نائن ایم ایم پستول اور گولیاں برآمد کرلیں۔
ترجمان کے مطابق چھاپہ مار کارروائی میں انعام عباسی اور نور محمد فرارہوگئے جن کی گرفتاری کے لیے کوششیں جاری ہیں۔
