برطانوی وزیر خارجہ ڈومینک راب نے اپنی بریفنگ کے دوران کیے جانے والے اس سوال کے جواب میں کہا کہ یقیناً اس واقعے کے بعد بہت ہی گہری سوچ بچار کی ضرورت ہو گی۔
ان کا کہنا تھا کہ اس سے جو سبق سیکھے ہیں ان کا جائزہ لیا جائے گا اور برطانوی حکومت اس سب سے ہٹ نہیں سکتی۔
مگر ان کا یہ بھی کہنا تھا کہ اس نے ہمیں ایک چیز سکھائی ہے اور وہ ہے بین الاقوامی تعاون کی قدر اوراہمیت۔
وزیر خارجہ نے کہا کہ وہ اس سے قبل فون پر جی سیون کے سربراہان سے بات کر رہے تھے اور اس گفتگو میں کورونا وائرس کی وبا کے حوالے سے بہت سے سوالات کیے گئے۔
ان کا مزید کہنا تھا کہ ‘مگر چین کی جانب سے برطانوی شہریوں کی واپسی اور اشیا کی خریداری کے سلسلے میں اچھے طریقے سے تعاون کیا گیا۔‘
انھوں نے کہا کہ ہمیں ہر رخ کو اچھی طری دیکھنے اور اسے متوازن انداز میں کرنے کی ضرورت ہے۔
`مگر ہم معمول کے مطابق تعلقات نہیں رکھ سکتے ہمیں سخت سوالات پوچھنے ہوں گے کہ یہ وبا کیسے پھوٹی۔‘
