مہنگائی اور ناجائز ریاستی ٹیکسیز کے خلاف گلگت بلتستان کے عوام ایک بار پھر سڑکوں پر نکل آئی ہے۔
گذشتہ روز پورے گلگت میں عوام کا سیلاب سخت سردی میں شاہراؤں پر احتجاج کرتے نظر آئے اور مکمل شٹر ڈاؤن وہڑتال و مظاہرے ہوئے۔
گلگت بلتستان میں جمعہ کے روز بعد نماز مکمل ہڑتال رہی اور تمام علاقوں میں ریلیاں نکالنے کے ساتھ شٹر ڈاؤن ہڑتال رہی۔
مقررین نے کہا کہ گلگت بلتستان کے عوام نے نوآبادیاتی نظام کو اب قبول کرنے سے انکار کر دیاہے اور اپنے حق کے لیے لڑنے کا فیصلہ کیاہے۔اگر حکمراں طبقہ اور بیوروکریسی گلگت بلتستان کو چراہ گاہ سمجھنے کی غلطی کو برقرار رکھیں گے تو مزاحمت میں بھی شدت آئے گا،عوام نے جدوجہد کا فیصلہ سنا دیا ہے۔
واضح رہے کہ گندم سبسٹی سمیت بجلی کی لوڈ شیڈنگ،مہنگائی،ناجائز ٹیکسزز کے خلاف عوام گزشتہ دو ماہ سے سراپا احتجاج ہیں مگر انکی سننے والا کوئی نہیں ہے۔کہاجاتا ہے کہ جمعہ کے روز کی تاریخی احتجاج نے اسٹیبلشمنٹ میں کھلبلی مچا دی ہے۔
