بلوچستان کے علاقے خضدار میں روڈ حادثے سے ایک شخص ہلاک ہوگیا جبکہ برساتی نالے سے ایک نولود بچے کی لاش برآمد ہوئی ہے۔
خضدار کے علاقہ نوغے تحصیل باغبانہ میں بدھ اور جمعرات کی درمیانی شب شاہراہ پر تیز رفتار گاڑی کی ٹکر سے معمر شخص رضا محمد ولد در محمدہلاک ہوگیا۔
ذرائع کے مطابق مذکورہ شخص روڈ کراس کررہا تھاکہ ایک تیز رفتار گاڑی نے انہیں کچل ڈالا۔
زخمی معمر شخص کو فوری طور پر ٹیچنگ ہسپتال منتقل خضدار کیاگیا تاہم وہ زخموں کی تاب نہ لاتے ہوئے راستے میں دم توڑ گیا۔
مقامی انتظامیہ نے ضروری کی کارروائی کے بعد لاش ورثا کے حوالے کردی۔
علاوہ ازیں خضدار میں ایک اور واقعے میں نومولود کو برساتی نالے میِں پھینک دیا گیا۔
خضدار نجی ہسپتال کے قریب برساتی نالے سے نومولود کی لاش برآمدہوگئی۔
سٹی پولیس اور میونسپل کارپوریشن کے عملہ نے بروقت کارروائی کرتے ہوئے نومولود کی لاش برساتی نالے سے نکال کر سپرد خاک کردیا۔
