وائس فار بلوچ مسنگ پرسزن کے چیئرمین نصراللہ بلوچ نے اپنے جاری کردہ بیان میں کہا کہ بلوچستان نیشنل پارٹی کے سربراہ اختر مینگل کے سربراہی میں قائم کمیشن 15 نومبر کو وائس فار بلوچ مسنگ پرسنز کے احتجاجی کیمپ کا دورہ کریں گے۔
کمیشن کے سربراہ اور ممبران تنظیم کے رہنماؤں اور لاپتہ افراد کے اہلخانہ سے ملاقات بھی کرینگے۔
لاپتہ افراد کے اہلخانہ سے گزارش ہے کہ وہ 15 نومبر کو احتجاجی کیمپ میں اپنی موجودگی یقینی بنائے تاکہ وہ خود اپنے لاپتہ پیاروں کے جبری گمشدگی کے تفصیلات کمیٹی کو بتانے کے ساتھ اپنے لاپتہ پیاروں کے لیے آئینی اور پرامن جد و جہد کے بعد بھی انہیں انصاف نہ ملنے کی وجہ سے وہ جس ذہنی کرب و اذیت میں مبتلا ہے وہ کمیٹی کے سامنے بیان کرسکے۔
واضع رہے کہ احتجاجی کیمپ کے دورے کے موقع پر وفاقی سیکرٹری داخلہ، وفاقی سیکرٹری ہیومن رائٹس اور سیکرٹری سیکرٹریٹ سینٹ بھی کمیشن کے سربراہ اور ممبران کے ہمراہ ہونگے۔
