اطلاعات کے مطابق ضلع آواران کے علاقے جھاؤ میں پاکستانی فوج کا فوجی آپریشن جاری ہے
مقامی ذرائع نے بتایا جھاؤ کے علاقے سورگر کے پہاڑی سلسلے میں آج صبح سے پاکستانی فوج کا فضائی آپریشن جاری ہے
آپریشن میں پاکستانی فوج کے چار گن شپ ہیلی کاپٹر حصہ لے رہے ہیں، واضح رہے کہ ضلع آواران کے علاقے جھاؤ میں پاکستانی فوج کا آپریشن گزشتہ ایک ماہ سے جاری ہے جس میں کبھی شدت اور کبھی نرمی لائی جاتی ہے۔ تاہم آج جمعہ کی علی الصبح گن شپ ہیلی کاپٹروں نے آپریشن میں شدت لاتے ہوئے کئی علاقوں میں شدید نوعیت کی شیلنگ و بمباری کی ہے،۔
واضح رہے کہ جھاؤ گزشتہ کئی عرصے سے مکمل فوجی گھیراؤ میں ہے جہاں ہر گاؤں کے داخلی و خارجی راستوں پر پاکستانی فوج کی چیک پوسٹ قائم ہونے کے ساتھ جھاؤ واجہ باغ آرمی کیمپ سمیت جھاؤ میں اس وقت دس اور چھوٹے بڑے آرمی کیمپ موجود ہیں۔اکثر کیمپ اسکولوں کو قبضے میں لے کر بنائے گئے ہیں۔
یہ ابتدائی خبر ہے جاری آپریشن کی وجہ سے مکمل تفصیلات تک رسائی حاصل کرنے میں مشکلات کا سامنا ہے
